Lyrics Depot is your source of lyrics to To The Weaver's Gin Ye Go by Andy M. Stewart. Please check back for more Andy M. Stewart lyrics.

To The Weaver's Gin Ye Go Lyrics

Artist: Andy M. Stewart
Album: Songs Of Robert Burns

My heart was ance as blithe and free
As simmer days were lang;
But a bonie, westlin weaver lad
Has gart me change my sang.

Chorus.-To the weaver's gin ye go, fair maids,
To the weaver's gin ye go;
I rede you right, gang ne'er at night,
To the weaver's gin ye go.

My mither sent me to the town,
To warp a plaiden wab;
But the weary, weary warpin o't
Has gart me sigh and sab.
To the weaver's, &c.

A bonie, westlin weaver lad
Sat working at his loom;
He took my heart as wi' a net,
In every knot and thrum.
To the weaver's, &c.

I sat beside my warpin-wheel,
And aye I ca'd it roun';
But every shot and evey knock,
My heart it gae a stoun.
To the weaver's, &c.

The moon was sinking in the west,
Wi' visage pale and wan,
As my bonie, westlin weaver lad
Convoy'd me thro' the glen.
To the weaver's, &c.

But what was said, or what was done,
Shame fa' me gin I tell;
But Oh! I fear the kintra soon
Will ken as weel's myself!
To the weaver's, &c.

Comments/Interpretations

no comments yet








Related:
Andy M. Stewart Lyrics
Andy M. Stewart Songs Of Robert Burns Lyrics

More Andy M. Stewart Music Lyrics:
Andy M. Stewart - Bogie's Bonnie Bell Lyrics
Andy M. Stewart - Brighidin Ban Mo Store Lyrics
Andy M. Stewart - My Heart It Belongs To She Lyrics
Andy M. Stewart - Tak' It, Man Tak' It Lyrics
Andy M. Stewart - The Gaberlunzieman Lyrics
Andy M. Stewart - The Lakes Of Pontchartrain Lyrics
Andy M. Stewart - Where Are You (Tonight I Wonder) Lyrics
Andy M. Stewart - Young Jimmy In Flanders Lyrics